អគ្គនាយកដ្ឋាន​ពន្ធដារកោះហៅ ឧកញ៉ា ស៊ី គង់​ទ្រី​វ ឲ្យ​ចូលខ្លួនមក​ទូទាត់​បំណុល​ពន្ធ​ ដែលជំពាក់​រដ្ឋរាប់សិប​ឆ្នាំកន្លងមកហើយ..!​

រាជធានី​ភ្នំពេញ៖ លោក គង់ វិបុល ប្រតិភូ​រាជរដ្ឋាភិបាល ទទួលបន្ទុក​ជា​អគ្គនាយកដ្ឋាន​ពន្ធដារ នៃ​ក្រសួង​សេដ្ឋកិច្ច និង​ហិរញ្ញវត្ថុ បានចេញ​លិខិតអញ្ជើញ ឧកញ៉ា ស៊ី គង់​ទ្រី​វ ឲ្យ​ចូលមក​ទូទាត់​បំណុល​ពន្ធ ដែល​ក្រុមហ៊ុន របស់លោក បានជំពាក់​រដ្ឋ​រាប់សិបឆ្នាំកន្លងមកនេះ។​

​យោងតាម​លិខិតអញ្ជើញ ដែល​ប្រព័ន្ធផ្សព្វផ្សាយទទួលបាន​នៅ​ថ្ងៃទី​២១ ខែឧសភា ឆ្នាំ​២០២០​នេះ បាន​ឲ្យដឹងថា ក្រុមហ៊ុន​ទាំង​២​នោះ​រួមមាន​៖ ក្រុមហ៊ុន ខេ ធី ប៉ា​ស៊ី​ហ្វិ​ច គ្រុប លី​មី​ធី​ត ដែលមាន លោកឧកញ៉ា ស៊ី គង់ទ្រីវ ជាប្រធានក្រុមហ៊ុន។

លោក គង់ វិបុល អគ្គនាយក​ពន្ធដារ បានជម្រាប​ជូន លោកឧកញ៉ា ស៊ី គង់​ទ្រី​វ តាមងយៈលិខិតថា ការបង់​ពន្ធអាករ គឺជា​កាតព្វកិច្ច​ របស់​អ្នក​ជាប់ពន្ធគ្រប់ៗរូប ដើម្បី​រួមចំណែក​ក្នុង​ថវិកាជាតិ​។

លោកអគ្គនាយកបន្តថា កន្លងមក អគ្គនាយកដ្ឋាន​ពន្ធដា​រ បាន​អញ្ជើញ​ លោកឧកញ៉ា​ ស៊ី គង់ទ្រីវ នាយក​ក្រុមហ៊ុន​មក ដើម្បី​ដោះស្រាយ​បំណុល​ពន្ធ​របស់​ក្រុមហ៊ុន តាមរយៈ​លិខិតអញ្ជើញ ជូន​ដល់​អាសយដ្ឋាន​ក្រុមហ៊ុន​ ដែល​បាន​ចុះបញ្ជី​នៅ​រដ្ឋបាល​សារពើពន្ធ ប៉ុន្តែ​ឧកញ៉ា​រូបនេះ មិន​បានមក​តាម​ការអញ្ជើញ និង​មិនបាន​ទូទាត់​បំណុល​ពន្ធ​នៅឡើយ​ទេ។

ផ្តើមពីបញ្ហានេះ លោក គង់ វិបុល រំលឹកដល់ លោក​ឧកញ៉ា ស៊ី គង់ទ្រីវ ត្រូវ​មក​ទូទាត់​បំណុល តាម​កាលបរិច្ឆេទ មិន​ឲ្យ​លើសពី​១៥​ថ្ងៃ​ គិតចាប់ពីថ្ងៃជូនដំណឹងនេះ។

​លោក គង់ វិបុល អអគ្គនាយក​ពន្ធដារ បាន​ព្រមានថា ក្នុងករណី លោកឧកញ៉ា ស៊ី គង់ទ្រីវ គេចវេស ឬមិនបាន​អញ្ជើញ​មក​តាម​កាលកំណត់​ទេ គឺ លិកឧកញ៉ា​ប្រធានក្រុមហ៊ុន ត្រូវ​ចាត់ទុកថា​ បាន​ប្រព្រឹត្ត​បទល្មើស​ព្រហ្មទណ្ឌ​ លើ​បទ​ប្បញ្ញត្តិ​ស្តីពី​ពន្ធដារ ដូច​មានចែង​ក្នុង​មាត្រា ១២៧ , ១៣៥ និង​១៣៦ នៃ​ច្បាប់​ស្តីពី​សារពើពន្ធ។ ហើយ​ថា អគ្គនាយកដ្ឋាន​ពន្ធដារ នឹង​ចាត់វិធានការ​តាមផ្លូវ​ច្បាប់ ដោយប្តឹងទៅ​តុលាការ ដើម្បី​ផ្តន្ទាទោស​តាមច្បាប់ ជា​ធរមាន ហើយរាល់​ការចំណាយ​ផ្សេងៗ គឺជា​បន្ទុក​ របស់​លោកឧកញ៉ា​ ស៊ី គង់ទ្រីវ ដែលជា​ម្ចាស់​ក្រុមហ៊ុន​។​
​អគ្គនាយកដ្ឋាន​ពន្ធដា​រ រំពឹងថា ផ្អែកលើ​ស្មារតី​ទទួលខុសត្រូវ របស់​ឧកញ៉ា ស៊ី គង់​ទ្រី​វ នាយក​ក្រុមហ៊ុន ក្នុង​ការបំពេញ​កាតព្វកិច្ច​សារពើពន្ធ​៕

អត្ថបទដែលជាប់ទាក់ទង