លោក ស​ ថេត​ ៖ ​ការអនុវត្តច្បាប់ត្រូវតែស្មើភាពគ្នា​ ​ទោះបុគ្គលនោះមានឋានៈណាក៏ដោយ ឲ្យតែបើកបរមិនគោរពច្បាប់​​ ​ត្រូវតែផាកពិន័យ..

រាជធានីភ្នំពេញ៖ លោកឧត្តមសេនីយ៍ឯក​ ស​ ថេត​ អគ្គស្នងការរង​ និងជាស្នងការនគរបាលរាជធានីភ្នំពេញ​មានប្រសាសន៍ថា ការអនុវត្តច្បាប់ត្រូវតែស្មើភាពគ្នា​ ទោះជាបុគ្គលនោះ មានឋានៈបុណ្យស័ក្តិប៉ុណ្ណាណាក៏ដោយ ឲ្យតែបើកបរមិនគោរពច្បាប់​ គឺត្រូវតែផាកពិន័យតាមច្បាប់ណត់។

លោក ស ថេត បញ្ជាក់ដូច្នេះ នៅព្រឹកថ្ងៃទី២០​ ខែវិច្ឆិកា​ ឆ្នាំ២០២០​ ខណៈអញ្ជើញជាអធិបតី ក្នុងកិច្ចប្រជុំដកពិសោធន៍ការអនុវត្តច្បាប់​ ស្តីពីចរាចរណ៍ផ្លូវគោក​ តាមអនុក្រឹត្យលេខ​៣៩​ អនក្រ.បក​ ចុះថ្ងៃទី១៧​ ខែមីនា​ ឆ្នាំ២០២០​ ប្រចាំខែតុលា ឆ្នាំ២០២០។

ទន្ទឹមនេះ លោក ស ថេត ក៏បានអំពាវនាវដល់អ្នកបើកបរ ឬអ្នកប្រើប្រាស់ផ្លូវ សូមចូលរួមគោរពច្បាប់ចរាចរណ៍ផ្លូវគោក ឲ្យបានទាំងអស់គ្នា ប្រយោជន៍ដើម្បីការពារអាយុជីវិត និងទ្រព្យសម្បត្តិ របស់ខ្លួន និងអ្នកដទៃ៕

អត្ថបទដែលជាប់ទាក់ទង