អភិបាល​ខេត្តព្រះសីហនុ ​ដឹកនាំកិច្ចប្រជុំដោយលើកយករបៀបវារៈ ចំនួន​៥មកពិភាក្សា

ខេត្តព្រះសីហនុ៖ ​លោក គួច ចំរើន អភិបាលនៃគណៈអភិបាលខេត្តព្រះសីហនុ នៅព្រឹកថ្ងៃទី០៨ ខែមេសា ឆ្នាំ​២០២១នេះ បាន​ដឹកនាំកិច្ចប្រជុំមន្ត្រីក្រោមឱវាទ ដោយលើកយក​របៀបវារៈចំនួន ០៥ មកពិភាក្សា រួមមាន៖

១- ការអនុវត្តសេចក្រីសម្រេចលេខ​៤៤ សសរ ចុះថ្ងៃទី០៦ ខែមេសា ឆ្នាំ២០២១ របស់រាជរដ្ឋាភិបាលកម្ពុជា ស្ដីពីការហាមឃាត់ការធ្វើដំណើរ និងការបិទរមណីយដ្ឋានទេសចរណ៍នៅទូទាំងប្រទេស ជាបណ្ដោះអាសន្នដើម្បី​ទប់ស្កាត់​ការឆ្លងរាលដាលនៃជំងឺកូវីដ-១៩

២- ការត្រៀមព្យាបាលអ្នកជំងឺកូវីដ-១៩ នៅតាមលំនៅដ្ឋាន

៣- ការចាក់វ៉ាក់សាំងជូនអតីតយុទ្ធជន

៤- ពិនិត្យបញ្ជីឈ្មោះអ្នកដែលបញ្ចាក់នឹងមិនបានចាក់វ៉ាក់សាំងការពារកូវីដ-១៩

៥- ពិនិត្យបញ្ជីឈ្មោះមន្ត្រីរាជការតាមមន្ទីរ-អង្គភាព អំពីចំនួនមន្ត្រីរាជការ ដែលបានចាក់ និងមន្ត្រីរាជការ មិនត្រូវបានអនុញ្ញាតឱ្យចាក់ ព្រមទាំងចំនួនមន្ត្រីរាជការ មិនព្រមទៅចាក់វ៉ាក់សាងការពារកូវីដ-១៩។
កិច្ចប្រជុំនេះ ធ្វើឡើងនៅព្រឹកថ្ងៃទី​០៨ ខែមេសា ឆ្នាំ​២០២១ នាសាលប្រជុំសាលាខេត្តព្រះសីហនុ ដោយមានការចូលរួមពី លោក-លោកស្រីអភិបាលរងខេត្ត នាយករដ្ឋបាលសាលាខេត្ត ស្នងការនគរបាលខេត្ត មេបញ្ជាការកងរាជអាវុធហត្ថខេត្ត មេបញ្ជាការតំបន់ប្រតិបត្តិការសឹករងខេត្ត អភិបាលក្រុង ស្រុក និងប្រធានមន្ទីរ អង្គភាពពាក់ព័ន្ធ នៃរដ្ឋបាលខេត្តព្រះសីហនុ៕

អត្ថបទដែលជាប់ទាក់ទង