ប្រជាពលរដ្ឋ ប្រទះឃើញអាវុធ៣៣ដើម នៅចំណុចចំការមៀន ស្រុកភ្នំព្រឹក..

ខេត្តបាត់ដំបង៖ នគរបាលខេត្តបាត់ដំបង បានឲ្យដឹងថា អាវុធជាង ៣០ដើម ត្រូវបានប្រជាពលរដ្ឋប្រទះឃើញ នៅចំណុចចំការមៀន ស្ថិតក្នុងក្រុមទី២ ភូមិអូររំដួល ឃុំអូររំដួល ស្រុកភ្នំព្រឹក ខេត្តបាត់ដំបង កាលពីរសៀលថ្ងៃទី១២ ខែវិច្ឆិកា ឆ្នាំ២០២១។

ភ្លាមៗ ក្រោយទទួលបានព័ត៌មានខាងលើនេះ ពីប្រជាពលរដ្ឋ សមត្ថកិច្ច ក៏បានចុះទៅពិនិត្យដល់កន្លែងកើតហេតុ..។

លោកឧត្តមសេនីយ៍ឯក ឆាយ គឹមខឿន អ្នកនាំពាក្យ​អគ្គស្នងការដ្ឋាននគរបាលជាតិ បាន​ឲ្យប្រព័ន្ធផ្សព្វផ្សាយដឹងថា តាមសេចក្តីរាយការណ៍ ​របស់​ប្រជា​ពលរដ្ឋ សមត្ថកិច្ច បាន​ទៅ​រកឃើញកាំភ្លើងចំនួន ៣៣ដើម ប្រភេទ AKស្វ័យ ៣០ដើម និងអាវុធ M79 ចំនួន ០៣ដើម រួមទាំងបង់ចំនួន ៤០បង់។

ពេលនេះ សមត្ថកិច្ចនគរបាល ខេត្តបាត់ដំបង បាននាំយកអាវុធទាំងអស់នោះ មករក្សាទុកនៅអធិការដ្ឋាននគរបាលស្រុកភ្នំព្រឹករួចហើយៗ ពេលនេះ សមត្ថកិច្ចជំនាញ កំពុង​តែ​ធ្វើការត្រួតពិនិត្យដើម្បីរកតម្រុយ ក្នុងការ​ស្រាវ​ជ្រាវរកប្រភពអាវុធទាំងនេះ៕

អត្ថបទដែលជាប់ទាក់ទង