នគរបាលស្រុកព្រៃនប់ ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀនខុសច្បាប់..

ខេត្តព្រះសីហនុ៖ នគរបាលស្រុកព្រៃនប់ បានឱ្យដឹងថា កាលពីវេលាម៉ោង១១:៣០នាទី ថ្ងៃត្រង់ ថ្ងៃទី២៣ ខែវិច្ឆិកា ឆ្នាំ២០២១ កម្លាំង​ជំនាញ នៃអធិការដ្ឋាននគរបាលស្រុកព្រៃនប់ បានឃាត់ខ្លួនជនសង្ស័យចំនួន០១នាក់ នៅចំណុចភូមិចំណោតរាម ឃុំបិតត្រាំង ស្រុកព្រៃនប់ ខេត្តព្រះសីហនុ ពាក់ព័ន្ធករណីគ្រឿងញៀនខុសច្បាប់។

សមត្ថកិច្ចបានបន្តថា ជនសង្ស័យមានឈ្មោះ ប្រាំង ពន្លក (ហៅឆែប) ភេទប្រុស អាយុ ២៩ឆ្នាំ ជនជាតិខ្មែរ​ ស្នាក់នៅភូមិថ្មធំ ឃុំរាម ស្រុកព្រៃនប់ ខេត្តព្រះសីហនុ។

សមត្ថកិច្ច បានដកហូតវត្ថុតាងរួមមាន៖ ម្សៅក្រាមសថ្លាសង្ស័យសារធាតុញៀនចំនួន ១២កព្ចាប់ (ធំ០៣កញ្ចប់) និងទូរស័ព្ទដៃចំនួន ០២គ្រឿង។

បច្ចុប្បន្ន​ ជនសង្ស័យខាងលើ កំពុងត្រូវបានសមត្ថកិច្ចចាត់ការបន្តតាមនិតិវិធីច្បាប់៕ ដោយ៖ ហ្វារីត