នគរបាលក្រុងព្រះសីហនុ ឃាត់ខ្លួនជនសង្ស័យម្នាក់ ពាក់ព័ន្ធគ្រឿងញៀន

ខេត្តព្រះសីហនុ៖ កម្លាំងនគរបាលប្រឆាំងគ្រឿងញៀន នៃអធិការដ្ឋាននគរបាលក្រុងព្រះសីហនុ កាលពី​ ថ្ងៃទី០៧ ខែធ្នូ ឆ្នាំ២០២១ បានទទួលជនសង្ស័យម្នាក់ ពីសន្តិសុខ បម្រើការងារនៅតំបន់ ឆាយណាថោន ស្ថិតនៅភូមិ​៦​ សង្កាត់​លេខ​៤ ក្រុង-ខេត្តព្រះសីហនុ ពាក់ពន្ធ័ករណីគ្រឿងញៀន។

សមត្ថកិច្ចបញ្ជាក់ថា ជនសង្ស័យឈ្មោះ Buntharik MumthuleePrem ភេទ​ស្រី​ ជនជាតិ​ថៃ​ មុខរបរបំរេីការខារ៉ាអូខេ ទីលំនៅបច្ចុប្បន្នភូមិ​៦​ សង្កាត់លេខ៤ ក្រុង-ខេត្តព្រះសីហនុ​ ស្រុកកំណេីត​:​ ប្រទេសថៃ។

សមត្ថកិច្ច បានដកហូតវត្ថុតាងរួមមាន៖ ម្សៅក្រាម​ពណ៌សថ្លា​ សង្ស័យសារធាតុញៀន​ចំនួន ០២កញ្ចប់ និងទូរស័ព្ទចំនួន ០១គ្រឿង។

បច្ចុប្បន្ន ជនសង្ស័យខាងលេី ត្រូវកម្លាំងជំនាញឃាត់ខ្លួននៅ អធិការដ្ឋាននគរបាល ក្រុងព្រះសីហនុ ដេីម្បីសាកសួរ​ និងកសាងសំណុំរឿងបញ្ជូនទៅកាន់តុលាការ ផ្តន្ទាទោស៕ ដោយ៖ ហ្វារីត

អត្ថបទដែលជាប់ទាក់ទង