នគរបាលស្រុកកំពង់សីលា ឃាត់ខ្លួនជនសង្ស័យ២នាក់ ពាក់ព័ន្ធករណីគ្រឿងញៀន

ខេត្តព្រះសីហនុ៖ នគរបាលស្រុកកំពង់សីលា បានឱ្យដឹងថា កាលពីវេលាម៉ោង១៥និង​៣០នាទីរសៀល ថ្ងៃទី០៥ ខែមករា ឆ្នាំ​២០២២​ សមត្ថកិច្ចជំនាញប្រឆាំងបទល្មេីសគ្រឿងញៀន នៃអធិការដ្ឋាននគរបាលស្រុកកំពង់សីលា សហការណ៍ជាមួយកម្លាំងប៉ុស្តិ៍រដ្ឋបាលអូរបាក់រទេះ បានឃាត់ខ្លួនជនសង្ស័យចំនួន ២នាក់ ពាក់ព័ន្ធករណីជួញដូរ និងប្រើប្រាស់គ្រឿងញៀន នៅចំណុចភូមិព្រៃប្រសិទ្ធិ​ ឃុំអូរបាក់រទេះ ស្រុកកំពង់សីលា​ ខេត្តព្រះសីហនុ។

សមត្ថកិច្ចបានបន្តថា ជនសង្ស័យទាំង ២នាក់ រួមមាន៖ ឈ្មោះ​ គង់​ សុខនី ភេទប្រុស​ អាយុ​ ២៦ឆ្នាំ​ ជនជាតិខ្មែរ​ អាស័យដ្ឋានបច្ចុប្បន្ន​ភូមិព្រៃប្រសិទ្ធិ ឃុំអូរបាក់រទេះ​ ស្រុក​កំពង់សីលា​ ខេត្តព្រះសីហនុ​។ និងឈ្មោះ​ កា​ ប្រុស​ធំ​ ភេទ​ ប្រុស​ អាយុ​២១​ឆ្នាំ​ ជនជាតិខ្មែរ​ អាស័យដ្ឋានបច្ចុប្បន្ន​ ភូមិព្រៃប្រសិទ្ធិ ឃុំអូរបាក់រទេះ​ ស្រុក​កំពង់សីលា​ ខេត្តព្រះសីហនុ​។

សមត្ថកិច្ចបានដកហូតវត្ថុតាងរួមមាន៖ ម៉្សៅក្រាមស​ថ្លា​សង្សយ័ជាសារធាតុញៀនចំនួន​ ០៨កញ្ចប់ និងទូរស័ព្ទដៃចំនួន​ ០៣គ្រឿង​។

បច្ចុប្បន្ន ជនសង្ស័យរួមទាំងវត្ថុតាងខាងលេីត្រូវបានជំនាញកសាងសំណុំរឿងបញ្ជូនទៅស្នងការដ្ឋាននគរបាលខេត្តព្រះសីហនុ ដេីម្បីបន្តនិតិវិធី៕ ដោយ៖ ហ្វារីត

អត្ថបទដែលជាប់ទាក់ទង