នគរបាលស្រុកព្រៃនប់ ឃាត់ខ្លួនជនសង្ស័យ២នាក់ ពាក់ពន្ធ័គ្រឿងញៀន

ខេត្តព្រះសីហនុ៖ កម្លាំងនគរបាលស្រុកព្រៃនប់ បានឱ្យដឹងថា កាលពីវេលាម៉ោង ១០ និង២០នាទី ត្រូវនឹងថ្ងៃទី១៣ ខែមករា ឆ្នាំ២០២២ កម្លាំងជំនាញ នៃអធិការដ្ឋាននគរបាលស្រុកព្រៃនប់ បានឃាត់​ខ្លួន ជនសង្ស័យចំនួន ០២នាក់ នៅចំណុចបន្ទប់ជួល ស្ថិតក្នុងភូមិវាលមាស ឃុំវាលរេញ ស្រុកព្រៃ​នប់ ខេត្តព្រះសីហនុ ពាក់ពន្ធ័ករណីគ្រឿងញៀនខុសច្បាប់។

សមត្ថកិច្ចបន្តថា ជនសង្ស័យទាំង ០២នាក់ រួមមាន៖ ឈ្មោះ ហុង ហេង ភេទប្រុស អាយុ ១៩ ឆ្នាំមុខរបរមិនពិតប្រាកដ​ ស្នាក់នៅភូមិវាលមាស ឃុំវាលរេញ ស្រុកព្រៃនប់​ ខេត្តព្រះសីហនុ និងឈ្មោះ ឈៀង ហៃ ភេទប្រុស អាយុ ​២៤ឆ្នាំ មុខរបរមិនពិតប្រាកដ ទីលំនៅភូមិវាលមាស ឃុំវាលរេញ ស្រុកព្រៃនប់ ខេត្តព្រះសីហនុ។

សមត្ថកិច្ច បានដកហូតវត្ថុតាងរួមមាន៖ ម្សៅក្រាមសថ្លាសង្ស័យសារធាតុញៀនចំនួន ១២កញ្ចប់(តូច១០កព្ចាប់) និងទូរស័ព្ទដៃចំនួន ០២គ្រឿង។

បច្ចុប្បន្ន ជនសង្ស័យខាងលើ កំពុងត្រូវបាន សមត្ថកិច្ច កំពុងចាត់ការតាមនីតិវិធីច្បាប់៕

ដោយ៖ ហ្វារីត