លោកឧកញ៉ា ទៀ វិចិត្រ បញ្ជូនអូរប័រទាំងយប់ ឲ្យទៅទទួលយកស្ត្រីអ្នកជំងឺម្នាក់ រស់នៅលើកោះរ៉ុង មកសង្គ្រោះនៅមន្ទីរពេទ្យ..

ខេត្តព្រះសីហនុ៖ លោកឧកញ៉ា ទៀ វិចិត្រ សមាជិកយុវជន គណបក្សប្រជាជនកម្ពុជា ខេត្តព្រះសីហនុ កាលពីយប់ថ្ងៃទី២១ ខែមករា ឆ្នាំ២០២២ បានបន្តបញ្ជូនអូរប័រពេទ្យ និងបុគ្គលិក របស់ក្រុមហ៊ុន ជី.ធី.វី.ស៊ី (G.T.V.C) ឲ្យទៅទទួលយកស្រ្តីម្នាក់ រស់នៅភូមិកោះតូច សង្កាត់កោះរ៉ុងសន្លឹម​ ក្រុងកោះរ៉ុង​ ដែលមានជំងឺចុកដេីមទ្រូងធ្ងន់ធ្ងរ ដើម្បីបញ្ជូនយកមកសង្គ្រោះ នៅមន្ទីរពេទ្យ នាក្រុងព្រះសីហនុ។

លោកឧកញ៉ា ទៀ វិចិត្រ ប្រធានក្រុមហ៊ុន ជី.ធី.វី.ស៊ី មានប្រសាសន៍ថា ស្ត្រីអ្នកជំងឺខាងលើ មានឈ្មោះ សុខ​ សុខុន​ អាយុ​ ៥៩​ឆ្នាំ ជនជាតិខ្មែរ ត្រូវជាម្តាយបង្កើត របស់ស្ត្រី ឈ្មោះ យង់​ ស្រី​ស្រស់ ដែលជាអ្នកស្នើសុំជំនួយមធ្យោបាយដឹកជញ្ជូន ម្តាយ របស់ខ្លួន មករូបលោកឧកញ៉ា..។

បច្ចុប្បន្នស្ត្រីអ្នកជំងឺ ឈ្មោះ សុខ​ សុខុន ត្រូវបានក្រុមការងារសង្គ្រោះ របស់ក្រុមហ៊ុន G.T.V.C បញ្ជូនមកដល់កំពង់ផែ នាក្រុងព្រះសីហនុ រួចដឹកបន្តតាមរថយន្តសង្គ្រោះ របស់ក្រុមហ៊ុននេះផ្ទាល់ យកទៅសង្គ្រោះនៅមន្ទីរពេទ្យរួចហើយ៕

អត្ថបទដែលជាប់ទាក់ទង