លោក សាយ សំអាល់​ ថ្លែងអំណរ​គុណ ​លោកស្រី Angelina Jolie ​ដែល​ចូលរួម​​ អភិរក្សធនធានធម្មជាតិ នៅតំបន់​សំឡូត

រាជធានីភ្នំពេញ ៖ លោក សាយ សំអាល់រដ្ឋមន្ត្រីក្រសួងបរិស្ថាន បានថ្លែងអំណរ​គុណ ចំពោះ លោកស្រី Angelina Jolie តារាភាពយន្តហូវីដដ៏ល្បីល្បាញ ដែលបានចូលរួមជាមួយរាជរដ្ឋាភិបាលកម្ពុជា ក្នុងការការពារ និង​អភិរក្សធនធានធម្មជាតិ នៅតំបន់ប្រើប្រាស់ច្រើនយ៉ាងសំឡូត និងការសហការលើផ្នែកផ្សេងៗទៀត។

ការថ្លែងអំណរគុណខាងលើនេះ បានធ្វើឡើងក្នុងជំនួប​ រវាង លោក សាយ សំអាល់ រដ្ឋមន្ត្រីក្រសួងបរិស្ថាន ជាមួយ លោកស្រី Angelina Jolie នៅព្រឹកថ្ងៃទី២៤ ខែកុម្ភៈ ឆ្នាំ២០២២ នៅទីស្តីការក្រសួងបរិស្ថាន នៅអំឡុងលោកស្រី Angelina Jolie ធ្វើទស្សនកិច្ចនៅក្នុងព្រះរាជាណាចក្រកម្ពុជា។

នាឱកាសនោះ លោក សាយ សំអាល់ បាន​បញ្ជាក់ពីការបន្តកិច្ចសហការ និងការគាំទ្រ របស់ក្រសួងបរិស្ថាន ចំពោះគម្រោងអភិរក្ស ដែលផ្តួចផ្តើមដោយ លោកស្រី Angelina Jolie នៅក្នុងព្រះរាជាណាចក្រកម្ពុជា៕

អត្ថបទដែលជាប់ទាក់ទង