​អាមេរិក​​ថា រុស្ស៊ី​ស្នើ​សុំ​ជំនួយ​យោធាពី​ចិន​​​ ​ក្នុង​សង្គ្រាម​ជា​មួយ​​អ៊ុយក្រែន​​​

អាមេរិក ៖ ​ទីភ្នាក់ងារ​ព័ត៌មាន AFP បានចុះផ្សាយថា ប្រទេសរុស្ស៊ី​ បានស្នើ​សុំ​ជំនួយ​យោធា​ពីប្រទេសចិន ​​​នៅ​ក្នុង​សង្គ្រាម​ជា​មួយ ប្រទេស ​​អ៊ុយក្រែន​​​ ។ ដោយ ប្រទេស​រុស្ស៊ី បាន​ស្នើសុំ​ប្រទេស​ចិន ឲ្យ​ផ្តល់​ជំនួយ​ផ្នែក​យោធា ​និង​សេដ្ឋកិច្ច​ ក្នុង​ការធ្វើ​សង្រ្គាម ​នៅ​ប្រទេស​អ៊ុយក្រែន ។

នេះ​បើតាម​ប្រព័ន្ធ​ផ្សព្វផ្សាយ ក្នុង​សហរដ្ឋ​អាមេរិក​ ចេញផ្សាយ កាល​ពី​ថ្ងៃ​អាអាទិត្យ គឺនៅក្នុងប៉ុន្មាន​ម៉ោង ក្រោយពី​សេតវិមាន បាន​ព្រមានរដ្ឋាភិបាល​ក្រុង​ប៉េកាំង ថា នឹង​អាច​ប្រឈម​ផលវិបាក​ធ្ងន់ធ្ងរ ប្រសិន​បើ ចិន ​ជួយ​រុស្ស៊ី​ប្រឆាំង​នឹង​ការដាក់​ទណ្ឌកម្មទាំង​នោះ។

ក្រុម​មន្ត្រី​អាមេរិក បាន​ប្រាប់​បណ្តាញ​ព័ត៌មាន​ថា រុស្ស៊ី​ បាន​ស្នើ​សុំសម្ភារៈយោធា​ និង​ការគាំទ្រ​ពី​សម្ពន្ធមិត្ត​ដ៏​សំខាន់ ​របស់​ខ្លួន ​គឺ​ប្រទេស​ចិន ។

កាសែត The New York Times ​បាន​ដកស្រង់​សំដី មន្ត្រី​​មិនប្រាប់​ឈ្មោះ ម្នាក់ មកចុះផ្សាយថា រដ្ឋាភិបាល​ក្រុង​មូស្គូ ក៏​បាន​ស្នើ​សុំ​រដ្ឋាភិបាល​ក្រុង​ប៉េកាំង ​នូវ​ជំនួយ​សេដ្ឋកិច្ច​ ដើម្បី​ប្រឆាំងនឹង​ការដាក់​ទណ្ឌកម្ម របស់​ប្រទេស​លោក​ខាង​លិច ជា​ច្រើន​ផង​ដែរ។ 

សេចក្តី​រាយការណ៍ខាងលើនេះ គឺ ​បានកើត​មាន​ឡើង​ តែ​ប៉ុន្មាន​ម៉ោង​ប៉ុណ្ណោះ ក្រោយ​សេតវិមាន ប្រកាស​ថា គណៈប្រតិភូ​ជាន់​ខ្ពស់​អាមេរិក នឹង​ជួប​ជាមួយមន្ត្រី​ជាន់​ខ្ពស់​ចិន នៅ​ក្នុង​ទីក្រុង​រ៉ូម ​នៃ​ប្រទេស​អ៊ីតាលី​ នៅ​ថ្ងៃ​ចន្ទ​នេះ។

ទីប្រឹក្សា​សន្តិសុខ​ជាតិ​អាមេរិក​លោក​ Jake Sullivan និងប្រមុខការ​ទូត​ នៃ​បក្ស​កុម្មុយនីស្ត​ចិន​ លោក Yang Jiechi ” នឹង​ពិភាក្សា​ពី​កិច្ចខំ​ប្រឹងប្រែង​បន្ត​រៀបចំការប្រកួត​ប្រជែង ​រវាង​ប្រទេស​យើង​ទាំង​ពីរ​ និង​ពិភាក្សាពីផលប៉ះពាល់ នៃ​សង្គ្រាម របស់​រុស្ស៊ី​ ប្រឆាំង​នឹង​អ៊ុយក្រែន ក្នុង​ក្របខណ្ឌ​សន្តិសុខ​ក្នុង​តំបន់​ និង​សាកលលោក “៕

អត្ថបទដែលជាប់ទាក់ទង