នគរបាលខេត្តព្រះសីហនុ ឃាត់ខ្លួនជនសង្ស័យ៣នាក់ ពាក់ព័ន្ធករណីគ្រឿងញៀន

ខេត្តព្រះសីហនុ ៖ នគរបាលខេត្តព្រះសីហនុ បានឱ្យដឹងថា កាលពីវេលាម៉ោង​០០និង​ ១០នាទី​​យប់ ថ្ងៃទី១០ ខែឧសភា ឆ្នាំ២០២២ កម្លាំងអន្តរាគមន៍ពិសេស ​នៃ​ស្នងការដ្ឋាននគរបាល ខេត្តព្រះសីហនុ​ សហការណ៍ជាមួយ​ កម្លាំងប្រឆាំងគ្រឿងញៀន​ នៃអធិការដ្ឋាននគរបាលក្រុងព្រះសីហនុ​ បានឃាត់ខ្លួនជនសង្ស័យចំនួន ៣នាក់ ស្ថិតនៅភូមិដូង ក្រុម​១៧​ ភូមិ​០១​ សង្កាត់​លេខ​០៤​ ក្រុង-ខេត្តព្រះសីហនុ ពាក់ព័ន្ធករណីគ្រឿងញៀន​។

សមត្ថកិច្ច បានបន្តថា ជនសង្ស័យទាំង ០៣នាក់រួមមាន៖ ឈ្មោះ​ ឌី​ លីផេង​ ភេទប្រុស ឆ្នាំកំណេីត​២០០៥ ជនជាតិខ្មែរ មុខរបរមិនពិតប្រាកដ ទីលំនៅបច្ចុប្បន្ន ក្រុម​១៣​ ភូមិ០៤ សង្កាត់០៤​ ក្រុង-ខេត្តព្រះសីហនុ​ ស្រុកកំណេីត​ ក្រុម១៣​ ភូមិ០៤​ សង្កាត់០៤​ ក្រុង-ខេត្តព្រះសីហនុ​។ ឈ្មោះ​ ថា​ សុបញ្ញា ភេទប្រុស ឆ្នាំកំណេីត​២០០៤ ជនជាតិខ្មែរ មុខរបរមិនពិតប្រាកដ ទីលំនៅបច្ចុប្បន្ន ភូមិ០៤​ សង្កាត់០៤​ ក្រុង-ខេត្តព្រះសីហនុ​ ស្រុកកំណេីត​ សង្កាត់ស្វាយប៉ាក​ រាជធានីភ្នំពេញ និងឈ្មោះ​ សឿន​ វណ្ណៈ ភេទប្រុស ឆ្នាំកំណេីត​១៩៩០ ជនជាតិខ្មែរ មុខរបរមិនពិតប្រាកដ ទីលំនៅបច្ចុប្បន្ន ក្រុម​០៤​ ភូមិ០៤​ សង្កាត់០៤​ ក្រុង-ខេត្តព្រះសីហនុ​ ស្រុកកំណេីត​ ក្រុម​១៣​ ភូមិ​០៤​ សង្កាត់​០៤​ ខណ្ឌមិត្តភាព​ ក្រុង-ខេត្តព្រះសីហនុ។

សមត្ថកិច្ច បានដកហូតវត្ថុតាងរួមមាន៖ ម្សៅក្រាមពណ៌សថ្លាសង្ស័យសារធាតុញៀនចំនួន ១០កញ្ចប់ និងទូរស័ព្ទ ០១​គ្រឿង ។

បច្ចុប្បន្ន ជនសង្ស័យខាងលេី កំពុងឃាត់ខ្លួន នៅអធិការដ្ឋាននគរបាលក្រុងព្រះសីហនុ ដេីម្បីធ្វេីការសាកសួរ​ និងចាត់ការតាមនីតិវិធីច្បាប់ ៕ ដោយ៖ ហ្វារីត

 

អត្ថបទដែលជាប់ទាក់ទង