នគរបាលស្រុកព្រៃនប់ ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន

ខេត្តព្រះសីហនុ ៖ នគរបាលស្រុកព្រៃនប់ បានឱ្យដឹងថា កាលពីវេលាម៉ោង ​១២និង៤៥នាទី ថ្ងៃទី២៣ ខែមិថុនា ឆ្នាំ២០២២ កម្លាំងជំ​នាញ នៃអធិការដ្ឋាននគរ​បាលស្រុកព្រៃនប់ បានឃាត់ខ្លួនជនសង្ស័យចំនួន ០១នាក់ នៅចំណុចផ្លូវក្រោយរោងចក្រ ស្ថិតក្នុងភូមិបន្ទាយព្រៃ ឃុំអណ្តូងថ្ម ស្រុកព្រៃនប់ ខេត្តព្រះសីហនុ ពាក់ពន្ធ័ករណីគ្រឿងញៀន។

សមត្ថកិច្ច បានបន្តថា ជនសង្ស័យឈ្មោះ ឡាំ អ៊ូ ម៉ើត ភេទ​ប្រុស អាយុ​ ៣៨ឆ្នាំ មុខរបរមិន​ពិតប្រាកដ មានទីលំ​នៅភូមិបន្ទាយប្រិយ៍ ឃុំអណ្តូងថ្ម ស្រុកព្រៃនប់ ខេត្តព្រះសីហនុ។

សមត្ថកិច្ច បានដកហូតវត្ថុតាងរួមមាន៖​ ម្សៅក្រាមសថ្លាសង្ស័យសារ​ធាតុញៀនចំនួន ០៣កញ្ចប់, ជញ្ជីងថ្លឹង ០១គ្រឿង, ទូរស័ព្ទចំនួន ០២គ្រឿង, ថង់សំរាប់វិចខ្ចប់ចំនួន​ ០៣​ដុំ។

បច្ចុប្បន្ន ជនសង្ស័យ ត្រូវបានសមត្ថកិច្ចកំពុងចាត់ការតាមនិតិវិធីច្បាប់៕ ដោយ៖ ហ្វារីត