នគរបាលស្រុកព្រៃនប់ ឃាត់ខ្លួនជនសង្ស័យ២នាក់ ពាក់ព័ន្ធករណីគ្រឿងញៀន

ខេត្តព្រះសីហនុ ៖ មន្ត្រីនគរ​បា​លស្រុក​ព្រៃនប់ បានឱ្យដឹងថា កាលពីវេលាម៉ោង​១៤ និង១០នាទី ថ្ងៃទី០៥ ខែកក្កដា ឆ្នាំ២០២២ កម្លាំ​ងជំនាញ​អធិការ​ដ្ឋាន​នគរ​បា​លស្រុក​ព្រៃនប់ សហការជាមួយកម្លាំ​ងអន្ដរាគមន៍ពិសេស និងកម្លាំងប៉ុស្ដិ៍រដ្ឋបាលជើងគោ បានឃាត់ រថយន្ត​ ០១​គ្រឿង ម៉ាក Camry 07 ពណ៌ស ពាក់ផ្លាកលេខ ភ្នំពេញ 2Q-7740 និងឃាត់ជន​សង្ស័យចំនួន ០២នាក់ នៅលើកំណាត់ផ្លូវជាតិលេខ៤ ចន្លោះគីឡូម៉ែត្រលេខ ១៧៦​-១៧​៧ ស្ថិតក្នុងភូមិចំការកៅស៊ូរ ឃុំជើងគោ ស្រុកព្រៃនប់ ខេត្តព្រះសីហនុ ពាក់​ព័ន្ធករណីគ្រឿងញៀន។

មន្ត្រីនគរ​បា​លស្រុក​ព្រៃនប់ បានបន្តថា ជន​សង្ស័យចំនួន ០២នាក់រួមមាន៖ ឈ្មោះ ទុន កាន ភេទប្រុស អាយុ ១៧ឆ្នាំ មុខរបរមិនពិត​ប្រាកដ មានទីលំនៅភូមិជ្រោ​យស្វាយ ឃុំជ្រោយស្វាយ ស្រុកស្រែអំបិល ខេត្តកោះកុង និងឈ្មោះ សៀវ អុីញ ភេទ​ប្រុស អាយុ ១៦ឆ្នាំ មុខរបរមិនពិតប្រាកដ មានទីលំនៅភូមិជ្រោយស្វាយ ឃុំជ្រោយ​ស្វា​យ ស្រុកស្រែអំបិល ខេត្ត​កោះ​កុង។

កម្លាំងនគរ​បា​លស្រុក​ព្រៃនប់ បានដកហូតវត្ថុតាងរួម​មាន៖ ម្សៅក្រាមសថ្លាសង្ស័យសារ​ធាតុញៀនចំនួន ០៣កញ្ចប់, ទូរសព្ទ័ចំនួន ០២គ្រឿង, រថយន្តចំនួន ០១គ្រឿង ម៉ាក​Camry 07 ពណ៌ស ពាក់ផ្លាកលេខភ្នំពេញ2Q-7740។

បច្ចុប្បន្ន​ ជនសង្ស័យខាងលើ ត្រូវបានកម្លាំងជំនាញ កំពុងចាត់ការតាមនីតិវិធីច្បាប់៕ ដោយ៖ ហ្វារីត

អត្ថបទដែលជាប់ទាក់ទង