ភ្លៀងបន្តធ្លាក់ខ្លាំង ក្នុងក្រុងព្រះសីហនុ និងមានតំបន់ទំនាបខ្លះ ត្រូវជន់លិច

ខេត្តព្រះសីហនុ ៖ ចាប់ពីព្រឹកព្រលឹមថ្ងៃទី០៧ ខែកញ្ញា ឆ្នាំ២០២២នេះ នាមូលដ្ឋានក្រុងព្រះសីហនុ គឺមានភ្លៀងធ្លាក់យ៉ាងខ្លាំង និងបណ្តាលឲ្យតំបន់ទំនាបមួយចំនួន ក្នុងក្រុងទេសចរណ៍ ដ៏ស៊ីវិល័យជាប់ឆ្នេរសមុទ្រមួយនេះ ត្រូវជនលិចដោយជំនន់ទឹកភ្លៀង..។

ដោយឡែក នៅលើលម្ហសមុទ្រវិញ គឺមានខ្យល់បោកបក់ និងរលកសមុទ្រធំៗ..។

ក្រសួងធនធានទឹក និងឧតុនិយម បានចេញសេចក្តីជូនដំណឹងស្តីពី ស្ថានភាពធាតុអាកាស ចាប់ពីថ្ងៃទី០៧ ដល់ថ្ងៃទី១៣ ខែកញ្ញា ឆ្នាំ២០២២ កម្ពុជា នឹងមានភ្លៀងធ្លាក់ ចាប់ពីមធ្យមទៅខ្លាំង។ ជាពិសេសខេត្តជាប់មាត់សមុទ្រ នឹងមានភ្លៀង ផ្គរ រន្ទះ និងខ្យល់បោកបក់ខ្លាំង ចាប់ពីថ្ងៃទី០៧ ដល់ថ្ងៃទី០៩ ខែកញ្ញា..។

ផ្តើមពីបញ្ហានេះ ក្រសួងធនធានទឹក និងឧតុនិយម បានអំពាវនាវដល់ប្រជាពលរដ្ឋ ត្រូវមានការប្រុងប្រយ័ត្ន ពីសុវត្ថិភាពឲ្យបានទាំងអស់គ្នា..៕