អ្នកឧកញ៉ា ទៀ វិចិត្រ បញ្ជូនអូប័រទៅដឹក ពលរដ្ឋមានជំងឺធ្ងន់ម្នាក់ រស់នៅលើក្រុងកោះរ៉ុង មកសង្គ្រោះនៅមន្ទីរពេទ្យ

ខេត្តព្រះសីហនុ ៖ ជាថ្មីម្តងទៀត នៅរសៀល ថ្ងៃអាទិត្យ ទី០២ ខែកក្កដា ឆ្នាំ២០២៣ អ្នកឧកញ៉ា ទៀ វិចិត្រ ប្រធានគណៈកម្មាធិការគណបក្សមូលដ្ឋាន ភ្នាក់ងារដឹកជញ្ជូនទេសចរណ៍ជលយាន ខេត្តព្រះសីហនុ បានបញ្ជូនអូប័រពេទ្យ របស់ក្រុមហ៊ុន ជី.ធី.វី.ស៊ី (G.T.V.C) ទៅទទួលយកប្រជាពលរដ្ឋ ម្នាក់ រស់នៅក្រុងកោះរ៉ុង ដែលមានដែលមានជំងឺស្ទះផ្លូវដង្ហើមធ្ងន់ធ្ងរ ដឹកយកមកសង្គ្រោះបន្ទាន់ នៅមន្ទីរពេទ្យ ក្នុងខេត្តព្រះសីហនុ។

អ្នកឧកញ៉ា ទៀ វិចិត្រ មានប្រសាសន៍ថា អ្នកជំងឺខាងលើឈ្មោះ ញឹម ចន្ថា ភេទប្រុស អាយុ ៣៦ឆ្នាំ មានមុខរបរ ធ្វើជាង រស់នៅភូមិកោះរ៉ុងសន្លឹម សង្កាត់កោះរ៉ុងសន្លឹម ក្រុងកោះរ៉ុង ខេត្តព្រះសីហនុ។

អ្នកជំងឺរូបនេះ ត្រូវបាន អ្នកឧញ៉ា ទៀ វិចិត្រ រួមនឹងក្រុមការងារ របស់អ្នកឧកញ៉ា បញ្ជូនតាមអូប័រពេទ្យ ឆ្ពោះមកកាន់កំពង់ផែ ក្រុងព្រះសីហនុ យ៉ាងឆាប់រហ័ស រួចបន្តដឹកតាមរថយន្តសង្គ្រោះក្រមហ៊ុន GTVC របស់អ្នកឧកញ៉ា យកទៅសង្គ្រោះបន្ទាន់ នៅមន្ទីរពេទ្យបង្អែក ខេត្តព្រះសីហនុ៕