ស្លាប់២នាក់ និងរបួស២នាក់ ក្នុងគ្រោះថ្នាក់ចរាចរណ៍ទូទាំងប្រទេស ថ្ងៃទី១៨ ខែកក្កដា

រាជធានីភ្នំពេញ ៖ តាមរបាយការណ៍ របស់អគ្គស្នងការដ្ឋាននគរបាលជាតិ ផ្សព្វផ្សយនៅថ្ងៃទី១៨ ខែកក្កដា ឆ្នាំ២០២៣ បានឱ្យដឹងថា មានករណីគ្រោះថ្នាក់ចរាចរណ៍ កើតឡើងនៅទូទាំងប្រទេសចំនួន ០៦លើក បណ្ដាលឲ្យមនុស្សស្លាប់ ០២នាក់ និងរបួសធ្ងន់ស្រាល ០២នាក់។

ប្រភពដដែលបញ្ជាក់ថា មូលហេតុកើតមានគ្រោះថ្នាក់ចរាចរណ៍ខាងលើនេះ រួមមាន៖ ល្បឿនលឿន, មិនប្រកាន់ស្តាំ, មិនគោរពសិទ្ធិ, កត្តាយាន, ប្រជែង, ស្រវឹង និងបត់មិនប្រយ័ត្ន៕