ដើមឆ្នាំ២០២៤នេះ មាននាវាទេសចរណ៍១០គ្រឿងហេីយ បានដឹកភ្ញៀវអន្តរជាតិ ចូលចត និងទស្សនាខេត្តព្រះសីហនុ
ខេត្តព្រះសីហនុ ៖ មន្ត្រីកំពង់ផែក្រុងព្រះសីហនុ បានឱ្យដឹងថា នៅដេីមឆ្នាំ២០២៤នេះ មាននាវាទេសចរណ៍ ចំនួន ១០គ្រឿងហេីយ បានដឹកភ្ញៀវអន្តរជាតិ និង នាវិក សរុបជាង ១ម៉ឺន ៣ពាន់នាក់ ចូចូលចត និងទស្សនាខេត្តព្រះសីហនុ។
ជាក់ស្តែង នៅម៉ោង ០៦ និង៣០នាទី ព្រឹកថ្ងៃទី២២ ខែកុម្ភៈ ឆ្នាំ២០២២នេះ មាននាវាទេសចរណ៍ ០១គ្រឿងទៀត ឈ្មោះ SEA BOURN ENCORE សញ្ជាតិ BAHAMAS បានចូលចត នៅកំពង់ផែស្វយ័តក្រុងព្រះសីហនុ ដោយដឹកភ្ញៀវទេសចរចម្រុះជាតិសាសន៍ចំនួន ៥៦១នាក់/ស្រី ២៨៦នាក់, មាន ២៦សញ្ជាតិ ចូលមកទស្សនា ប្រទេសកម្ពុជា។
នាវានេះ មាននាវិកចំនួន ៤២០នាក់/ស្រី ៩៩នាក់ និងមាន ៤៧សញ្ជាតិ។
នាវានេះ មានដំណើរចេញពីប្រទេសថៃ ចូលមកកម្ពុជា។ បន្ទាប់មក នឹងចាកចេញពីប្រទេសកម្ពុជា បន្តដំណើរទៅកាន់ប្រទេស វៀតណាម នៅម៉ោង ១០យប់ថ្ងៃដដែលនេះ៕