ជនជាតិចិន ជិះរថយន្តស្លាកលេខ ខេមរភូមិន្ទ បើកគេចពីសមត្ថកិច្ច ក្រោយជួបគ្រោះថ្នាក់ចរាចរណ៍
ខេត្តព្រះសីហនុ ៖ សមត្ថកិច្ចនគរបាលចរាចរណ៍ បានឱ្យដឹងថា នៅម៉ិង ០៩ និង៥០នាទី ព្រឹកថ្ងៃទី២២ ខែកុម្ភៈ ឆ្នាំ២០២៤ នៅលេីផ្លូវមិត្តភាព ត្រង់ចំណុចជិតភ្នំ៩៦ ស្ថិតក្នុងភូមិ៥ សង្កាត់លេខ៤ ក្រុង-ខេត្តព្រះសីហនុ មានគ្រោះថ្នាក់ចរាចរណ៍មួយករណី បានកើតឡើង រវាងរថយន្ត ០១គ្រឿង ម៉ាក LEXUS GS300 ពណ៌ខ្មៅ ស្លាកលេខ ខេមរភូមិន្ទ ២-៤៥៧២ បេីកបរដោយឈ្មោះ FANG LAJIAN ភេទប្រុស អាយុ ៤៧ឆ្នាំ ជនជាតិចិន បច្ចុប្បន្នស្នាក់នៅភូមិ៤ សង្កាត់លេខ៤ ក្រុង-ខេត្តព្រះសីហនុ។ រថយន្តខាងលើ មានទិសដៅពី លិច ទៅកេីត លុះមកដល់ចំណុចកេីតហេតុ រថយន្តនេះ ក៏បានឈប់ ដោយមិនបានផ្តល់សញ្ញា រួចក៏ត្រូវបានរថយន្ត ០១គ្រឿង ម៉ាក HYUNDAI STAREX ពណ៌ស ស្លាកលេខ ២B-០២៧៦ បេីកបរដោយឈ្មោះ អ៊ន់ ប៉ូលីន ភេទប្រុស អាយុ ៤៣ឆ្នាំ មុខរបរបេីកបររថយន្ត បច្ចុប្បន្នស្នាក់នៅភូមិ៥ សង្កាត់លេខ៤ ក្រុង-ខេត្តព្រះសីហនុ បេីកបរក្នុងទិសដៅស្របគ្នា បានបុកពីក្រោយ។
សមត្ថកិច្ច បន្តថា គ្រោះថ្នាក់នេះ បណ្តាលឱ្យរថយន្ត ០២គ្រឿងខូចខាតបន្តិចបន្តួច ប៉ុនែ្តមិនបណ្តាលឱ្យរងរបួសដល់មនុស្សទេ។
ក្រោយពេលកេីតហេតុ រថយន្តទាំងពីរ បានបេីកមកឈប់ក្បែរចិញ្ចេីមផ្លូវ និងបានជួបជជែកគ្នា ប៉ុនែ្តមិនត្រូវរ៉ូវគ្នាទេ បន្ទាប់មក អ្នកបេីកបររថយន្តម៉ាក LEXUS GS 300 ក៏បានបេីករថយន្ត ចាកចេញពីកន្លែងកេីតហេតុ ដោយមិនស្តាបតាមការណែនាំ របស់សមត្ថកិច្ចទេ។ ហើយក្រោយមក សមត្ថកិច្ច ក៏បានស្រាវជ្រាវរកឃេីញរថយន្ត ខាងលើ ត្រូវបានរថយន្តខាងលើ យកទៅចតទុកចោល នៅក្នុងរបងអតីតសាលាខេត្តព្រះសីហនុ។
បច្ចុប្បន្ន វត្ថុតាងរថយន្តទាំង ០២គ្រឿង ត្រូវបានសមត្ថកិច្ច យកមករក្សាទុក នៅការិយាល័យនគរបាលចរាចរណ៍ផ្លូវគោក និងកំពុងបន្តស្វែករក អ្នកបេីកបរខាងលេី យកមកដោះស្រាយតាមនីតិវិធីច្បាប់៕