ដាក់ប៉ុស្តិ៍ត្រួតពិនិត្យ ធ្វើតេស្តរកឃើញអ្នកប្រើប្រាស់ សារធាតុញៀន១២នាក់ (ចិន២នាក់ ខ្មែរ១០នាក់)
ខេត្តព្រះសីហនុ ៖ រដ្ឋបាលខេត្តព្រះសីហនុ បង្ហាញលទ្ធផលចុះត្រួតពិនិត្យអាវុធជាតិផ្ទុះ ចំនួន៤គោលដៅ កាលពីយប់ថ្ងៃទី២៦ ខែកុម្ភៈ ឆ្នាំ២០២៤ នៅក្នុងក្រុងព្រះសីហនុ ស្រុកព្រៃនប់ ស្រុកកំពង់សីលា និងក្រុងកោះរ៉ុង ដោយបានត្រួតពិនិត្យរថយន្តតូច-ធំ ចំនួន ៥៨៨គ្រឿង ម៉ូតូ និង Passapp ចំនួន ៣៧០គ្រឿង ទទួលបានលទ្ធផល ៖
១- ធ្វើតេស្ដជាតិអាកុលចំនួន១៤នាក់ (អវិជ្ជមាន)។
២- ធ្វើតេស្តរកសារធាតុញៀន១៣នាក់ រកឃេីញវិជ្ជមានចំនួន១២នាក់ (ចិន២នាក់ ខ្មែរ១០នាក់)។
៣- ត្រួតពិនិត្យអាវុធជាតិផ្ទុះលេីរថយន្តចំនួន ២២៦គ្រឿង (គ្មានអាវុធឆ្លងកាត់)។
៤- ឃាត់រក្សាទុករថយន្ត ៦គ្រឿង(គ្មានបណ្ណបើកបរ) និងម៉ូតូ ៣គ្រឿង (គ្មានស្លាកលេខ និងកែច្នៃសុីមាំង)។
៥- ផាកពិន័យអ្នកបេីកបរម៉ូតូគ្មានមួកសុវត្ថិភាពចំនួន ១២នាក់ និងល្មេីសចរាចរណ៍ ៤នាក់។
៦- ឃាត់ខ្លួនជនជាតិចិន ១នាក់ ករណីរក្សាទុកម្សៅ ក្រាមពណ៌សថ្លាសង្ស័យសារធាតុញៀន។
៧- អប់រំនៅនឹងកន្លែង ៥នាក់៕
